على فكره انت ما تبقاش راجل

السلام عليكم

لما تكون فاضى طول الوقت ووقت الصلاه سبحان الله تنشغل ويجى فى بالك مليون حاجه تعملها

لما تتخلى عن صاحبك فى وقت شده وتقول وانا مالى

..

لما تصاحب فلان علشان فلوسه او علشان مصلحه واول ماتخلص تقول لاصاحبى ولا اعرفه


لما تعاكس بنات الناس وتتسلى بمشاعرهم وتفرح بلمه البنات حواليك وتعمل فيها هارون الرشيد وتفهم كل واحده انك بتحبها علشان تعيش الدور او تعيش اللحظه وتتباهى قدام

لما تكون متجوز ,,, او خاطب ,,, او مرتبط باانسانه بتحبك بجد
وتخونها بكلمه اونظره مع الغير وتقول عادى المهم انا بحبك انتى وانتى الى فى قلبى
مسرحيه انت فى القلب



..

لما تجرح بنت.. اخت .. او قريبه ونسيت انك الراجل والاقوى وانك المفروض تكون سند ليها مش تجرحها وتاذيها

لما تتقدم كعريس تدق الباب عشان مرتبها
وتقولها بكل صراحه بعد الجواز
انا متجوزك عشان مرتبك,, مش علشان سواد عيونك


لما تبقى قاعد فى البيت واختك أو مراتك تصرف عليك وانت تشخط وتزعق وبس وبردو عامل فيها راجل


لما تكون طول وعرض وفشخره على الفاضي لا كلمه ولا راى ولا اسلوب فى حياتك ولا هدف تعيش علشانه

لما تكون حبيب ماما,,, ودلوع بابا يااختى اسم الله عليها
وتأخذ مصروفك منهم وأنت وشنبك متر فى وشك

..

لما تقعد على القهوه تقول بصوت عاالي
عرفت فلانه بنت فلان وضحكت عليها واتسليت بفلانه
وادى صورها وادى رقمها ووووو



لما اتخليت عن شخصيتك ورجولتك وبقيت وتعمل شعرك بالسشوار كل خمس دقايق وتاكل فى اللبانه وتلبس حاجات غريبه




لما تسمح لاصحابك يقولوا من باب الهزار
وللاسف الكلمه دارجه عند الشباب وبقت عادى بالنسبه لهم
الله يلعن امك
وتضحك
وتقول :
الله يلعن امك أنت


لما تمشى فى الشارع ومراتك او خطبتك او اختك او بنتك ماشيه معاك وحطه كل انواع المكياج ولابسه ملابس شبه عاريه وعيون الناس بتاكل جسمها وانت جنبها وحضرتك مبسوط اوى



لما تعتمد على فلوس ومنصب ابوك ومركزه وانا ابن فلان وبابا فلان
وتقول : وليه اشتغل!!

.

لما تكون كلمه انت طالق
كلمه عاديه وبتهدد بيها مراتك كل شويه وتنسى كل الى بينكم فى لحظه غضب وتلوى دراعها بيها




لما تتصل بيك امك فى وقت ما تكون مريح فيه
وتقول هتقرفنى الست دى حتى يوم راحتى




لما تقول لصحابك الراجل ده قرفنى فى حياتى ومش عارف اتحرك منه مش هايسيبنى فى حالى بقا
وتقصد ابوك


..

لما تتجوز مسيار او عرفى او متعه او اى جواز الشباب بتخترعه
فى السر وتقول ان مفيش قدامك حل تانى وانك هاتضحى فى سبيل الحب وتنسى ان بنات الناس مش لعبه

لما ترفض خطيب لبنتك او اختك
عشان تستفيد من مراتبها

..

لما تكون وسيله التفاهم عندك ايدك مش لسانك والحجه والمنطق وتزيد على ده الصوت العالى والالفاظ الجارحه
و تعتقد مجرد اعتقاد ان الرجوله بس تربيه شنبات وصوت عالى



لما تتكسف من شغل ابوك البسيط الى رباك وعلمك وصرف عليك وعمل منك راجــــــــــــــــل



لما تقول لمراتك وهى حامل
لو جبت بنت هرجعك بيت اهلك او هاطلقك وتنسى ان دى حاجه بايد ربنا


لما تقف معاك مراتك فى بدايه طريقك وتعيش معاك على الحلوه والمره واول ما ربنا يكرمك تفكر تتجوز عليها



لما تزعق فى وش امك وترفع ايدك عليها علشان ترضى مراتك

على فكره ما تبقاش راجل

ياترى بعد الكلام ده هاتفضل تعمل الى فات ده كله
وبردو مصر متبقاش راجل

الف شكر لك اخي نادر على الموضوع والله بيحمل روعة المعاني


دمت مبدع اخي

امير الخواطر

أخي نادر المهندس


كتبت فأبدعت


روية بكلمة على فكرة ...وأنت صاحب الافكار النيرة


شكرا لك على اناقة لموضوع مضمونا وسردا


دمت مبدع للمكان يا طيب


لك سلامي الغالي

اخي نادر,,,

موضوع بمنتهى الروعة

بكل سطر بيه ,,,واكيد ما يبئى راجل

اللي حيكون زي ده ,,,

تحيتي ليك