شولازم تعمل لما بدك تفوت للاقصى

لما تروح على بيت لحم وتشوف هالاجانب بتسأل ليش ؟

بحكيلك جايين يتعبدوا بالمهد.

طيب ولما يدخلوا اليهود قبر يوسف بنابلس بتسأل ليش ؟

بحكيلك بتعبدوا كمان .

وطبعا احنا شباب "الضفة" ما إلنا هالحق يمكن اليهود ما بيعرفوا اصلا انوا احنا مسلمين . طيب بدنا ندخل غصبن عنهم عالاقصى ,

وشوي ركزوا معي يا شباب لانو هاي اشياء مهمة يعتمد عليها دخولك الاقصى....

... بوت رياضي : لانو راح تركض كتير والجيش يطاردك

حبل: لانو لازم تصير قرد وتطلع على الجدار

مقص سلك : ضروري عشان تقص الاسلاك الشائكة

كيلو بصل : عشان تستحمل قنابل الغاز

طبعا كل هاد والنتيجة غير مضمونة لانو يمكن بعد ما تصل باب الاقصى جندي يحكيلك "هات الهوية" وكتشف انك من "الضفة" يا اخي مش عارف كيف عرف!

معقول عالدم ؟ زي رحمة ستي ما كانت تحكي بس كانت تعرف كل شي , المهم بعد ما يكتشف انك"ضفة" بحطك بسيارة وبرميك على حزما وتيتي تيتي مثل ما رحت مثل ما جيتي

بس بكيفك شرف المحاولة ......

تحيتي الكم ,,,والله يعين هالشباب

اميرة القلوب

عزيزتي اميرة
قدر الشعب الفلسطيني ان يظل مطاردا
في اصقاع الدنيا
والؤكد اننا شعب لا نعرف الاستسلام
لاننا نؤمن اننا شعب نستحق الحياة والعيش بكرامه واسترجاع ارضنا ومقدساتنا
تحياتي لك على الوضوع المميز